"AzSığorta"nın da yığımları azaldı

Cari ilin yanvar ayında “AzSığorta” ASC-nin yığımları 728 min manat təşkil edib.

Sığorta şirkətinin yığımları illik müqayisədə 15 min manat və ya 2,01% azalıb.

Valyuta.az xəbər verir ki, 2025-ci ilin ilk ayında şirkətin yığımları 743 min manat olub.

Eyni zamanda, şirkətin sığorta ödənişlərində də azalma müşahidə olunub.

Cari ilin ilk ayında ödənişlər 21 min manat təşkil edərkən, ötən ilin eyni dövründə bu göstərici 159 min manat olub.

Bu da illik müqayisədə şirkətin sığorta ödənişlərində 138 min manat və ya 86,29% azalma olduğunu deməyə əsas verir.

Qeyd edək ki, hesablamalara görə, sözügedən sığorta şirkəti cari ilin ilk ayında hər 100 manatdan 2,88 manatını ödənişə ayırıb. Ötən ilin müvafiq dövründə isə bu göstərici 21,39 manat təşkil edib.

Sərvanə Rəmixanova