“Meqa Sığorta”da geriləmə - Yığımları azaldı

Bu ilin yanvar ayında “Meqa Sığorta” ASC-nin sığorta yığımlarında və ödənişlərində azalma müşahidə olunub.

Valyuta.az xəbər verir ki, hesabat dövründə sığorta şirkətinin yığımlardan əldə etdiyi məbləğ 2 milyon 756 min manat təşkil edib. Bu, 2025-ci ilin eyni dövrü ilə müqayisədə 5,39% və ya 157 min manat azdır.

Qeyd edək ki, 2025-ci ilin yanvar ayında şirkətin yığımları 2 milyon 913 min manat olub.

Sığorta şirkətinin ödənişlərində isə 65 min manat və ya 5,54% azalma qeydə alınıb. “Meqa Sığorta” 2026-cı ilin yanvar ayında 1 milyon 109 min manat məbləğində ödəniş həyata keçirib. 2025-ci ilin eyni dövründə bu göstərici 1 milyon 174 min manat təşkil edib.

Hesabat dövründə şirkət hər 100 manat yığımın 40,23 manatını ödənişlərə yönəldib. 2025-ci ilin eyni dövründə isə bu göstərici 40,30 manat olub.

Tənzilə Ağabalayeva