Avtonəqliyyat vasitələrinin sığortası üzrə ödənişlər artıb

2026-cı ilin yanvar ayında avtonəqliyyat vasitələrinin sığortası üzrə 5 milyon 452 min manat sığorta haqqı toplanıb.

Valyuta.az xəbər verir ki, bu sığorta növü üzrə yığımlar 2025-ci ilin eyni dövrü ilə müqayisədə 164 min manat və ya 2,92% azdır. 2025-ci ilin yanvar ayında bu göstərici 5 milyon 616 min manat təşkil edib.

Avtonəqliyyat vasitələrinin sığortası üzrə ödənişlərdə isə artım qeydə alınıb. Bu ilin yanvar ayında sığorta ödənişləri 2 milyon 429 min manat olub ki, bu da illik müqayisədə 38 min manat və ya 1,59% çoxdur. 2025-ci ilin eyni dövründə ödənişlərin həcmi 2 milyon 391 min manat təşkil edib.

Tənzilə Ağabalayeva