Dövlət bankları iqtisadiyyata 7,8 milyard manat kredit qoyub

Bu ilin dekabr ayında Azərbaycan iqtisadiyyatına cəmi kredit qoyuluşunun həcmi 31 milyard 946,7 milyon manat təşkil edib.

Valyuta.az Mərkəzi Banka istinadən xəbər verir ki, bu göstərici 2024-cü ilin eyni dövrü ilə müqayisədə 2 milyard 658,5 milyon manat və ya 9,07% artım deməkdir. Qeyd edək ki, 2024-cü ilin dekabr ayında iqtisadiyyata cəmi kredit qoyuluşunun həcmi 29 milyard 288,2 milyon manat olub.

Hesabat dövründə kredit qoyuluşunun 7 milyard 867,3 milyon manatı dövlət banklarının payına düşüb. Bu da 2024-cü ilin eyni dövrü ilə müqayisədə 716,6 milyon manat və ya 10,02% artım deməkdir. Həmin dövrdə dövlət banklarına kredit qoyuluşu 7 milyard 150,7 milyon manat təşkil edib.

Tənzilə Ağabalayeva