“Azərkosmos”un gəlirləri açıqlandı - Azalma var

2025-ci ilin yanvar-dekabr aylarında Azərbaycan Respublikasının Kosmik Agentliyi (Azərkosmos) tərəfindən dünyanın 43 ölkəsinə 18,1 milyon ABŞ dolları dəyərində peyk telekommunikasiya xidmətləri ixrac edilib.

Valyuta.az xəbər verir ki, 2024-cü ilin ilin eyni dövründə isə dünyanın 50 ölkəsinə 18,5 milyon ABŞ dolları dəyərində ixrac həyata keçirib. 

Bu, illik müqayisədə 0,4 milyon ABŞ dolları dəyərində və ya 2,16% azalma deməkdir.

2025-ci ilin sözügedən dövrü üçün, “Azərkosmos”un xidmət ixracından əldə etdiyi gəlir onun ümumi gəlirlərinin 66%-ni təşkil edib. 

2025- ci ilin dekabr ayında isə “Azərkosmos” dünyanın 35 ölkəsinə 1,7 milyon ABŞ dolları dəyərində xidmət ixrac edib. 2024-cü ilin dekabr ayında isə “Azərkosmos” dünyanın 40 ölkəsinə 1,6 milyon ABŞ dolları dəyərində xidmət
ixrac edib. Bu isə illik müqayisədə 0,1 milyon ABŞ dolları və ya 6,25% artım deməkdir. 

Sərvanə Rəmixanova