Dubayda bu küçə qızıla qərq olacaq

Dubay sözün əsl mənasında “qızıl döşənmiş küçə” yaratmağı planlaşdırır. Şəhər rəhbərliyi tamamilə qızıldan hazırlanacaq yeni bir küçənin tikintisini elan edib.

Valyuta.az xəbər verir ki, layihə Deira rayonunda yerləşən məşhur Qızıl Bazarı (Gold Souk) ərazisində yaradılacaq Dubai Gold District layihəsinin bir hissəsidir. 

Qeyd olunur ki, küçənin texniki detalları hələ açıqlanmayıb, açılış tarixi isə bəlli deyil.

Rəsmi məlumatlara görə, BƏƏ fiziki qızıl ticarətinə görə dünyada ikinci yerdədir və 2024-2025-ci illərdə 53,4 milyard dollar dəyərində qızıl ixrac edib.

Dubay artıq Burj Khalifa, Ain Dubai və iqlimə nəzarət edilən küçələr kimi diqqətçəkən turizm layihələri ilə tanınır. Qızıl küçənin də şəhərin turizm cazibəsini daha da artıracağı gözlənilir.

Sərvanə Rəmixanova