“İpək Yolu Sığorta”nın yığımları da yarım milyona yaxın azaldı

2025-ci ilin yanvar-dekabr aylarında “İpək Yolu Sığorta”nın yığımları azalıb.

Valyuta.az xəbər verir ki, sığorta şirkətinin topladığı sığorta haqları illik müqayisədə 456 min manat və ya 7,66% azalıb.

Belə ki, 2025-ci ilin yanvar-dekabr aylarında “İpək Yolu Sığorta” 5 milyon 734 min manat həcmində sığorta haqqı toplayıb. 2024-cü ilin eyni dövründə isə bu göstərici 6 milyon 210 min manat təşkil edib.

Hesabat dövründə şirkətin sığorta ödənişləri də azalıb. Belə ki, 2025-ci ilin yanvar-dekabr aylarında ödənişlərin həcmi 227 min manat olub.

Bu göstərici 2024-cü ilin müvafiq dövründə 256 min manat təşkil edib. Nəticədə ödənişlər 29 min manat və ya 11,32% azalıb.

Qeyd edək ki, 2025-ci ilin yanvar-dekabr aylarında şirkət topladığı hər 100 manat sığorta haqqının 3,95 manatını ödənişlərə yönəldib. 2024-cü ilin eyni dövründə isə bu göstərici 4,12 manat olub.

Sərvanə Rəmixanova