"Bitcoin" 82 min dollara düşdü

Kriptovalyuta bazarında əsas aktivlər dəyər itirməkdə davam edir.

Valyuta.az xəbər verir ki, son 24 saat ərzində aparıcı kriptovalyutaların əksəriyyətində eniş müşahidə olunub.

Belə ki, bazarın aparıcı aktivi olan "Bitcoin" son bir gündə 5,89% ucuzlaşaraq 82 915,35 ABŞ dollarına düşüb.

"Ethereum" da eniş tendensiyasını davam etdirərək 6,82% azalmaqla 2 751,90 ABŞ dolları səviyyəsinə geriləyib.

Digər əsas kriptovalyutalar üzrə də itkilər qeydə alınıb. "XRP" 5,99% dəyər itirərək 1,76 ABŞ dolları, "Solana" isə 6,24% ucuzlaşaraq 115,46 ABŞ dolları səviyyəsində qərarlaşıb.

Stabil kriptovalyuta olan "Tether" (USDT) isə 0,01% cüzi azalma ilə 0,9983 ABŞ dollarına düşüb.

Eyni zamanda "Dogecoin" 5,69% ucuzlaşaraq 0,1147 ABŞ dolları səviyyəsinə enib.

Sərvanə Rəmixanova