CV niyə dərhal rədd edilir? HR mütəxəssisi gizli seçim meyarlarını izah etdi

"İşə qəbul zamanı namizədlərə verilən rədd cavablarının səbəbləri həmişə CV-lərin avtomatlaşdırılmış şəkildə seçilməsi ilə bağlı olmur".

Valyuta.az xəbər verir ki, bu barədə HR eksperti və karyera məsləhətçisi Qalina Bobkova kp.ru saytına müsahibəsində bildirib.

Ekspert qeyd edib ki, işəgötürənlərin qərarları adətən müəyyən məntiqə əsaslanır, lakin bu məntiq namizədlər üçün hər zaman aydın olmur. İşəgötürənlər vakansiya elanlarında bəzi tələbləri, məsələn, namizədin cinsi və ya yaşını qeyd edə bilməzlər:

"Amma namizədin xüsusiyyətləri işəgötürənin gözləntilərinə uyğun gəlmirsə, belə CV dərhal "imtina" qovluğuna göndərilir".

Bobkova əlavə edib ki, seçim meyarlarının heç də hamısını vakansiya elanında ətraflı təsvir etmək mümkün deyil. Bir qayda olaraq, işə qəbul üzrə mütəxəssisin namizədə dair çoxsaylı daxili tələbləri olur, lakin onların hamısının sadalanması vakansiya təsvirini həddindən artıq uzun və mürəkkəb edə bilər.

Paşa Məmmədli