"Azərbaycanlı iş adamları tez pul qazanmaq istəyirlər" - Türkiyəli mütəxəssis

“Azərbaycanda işlədiyim iş adamları arasında ən çox müşahidə etdiyim hal odur ki, insanlar pul qoyub, qarşılığını dərhal almaq istəyirlər”.

Valyuta.az xəbər verir ki, bunu satış məsləhətçisi Turan Özbahceci videolarının birində deyib.

Onun sözlərinə görə, bu gün yeni nəsil iş dünyasında tələsir, tez pul qazanmaq istəyir: “Bu gün investisiya edim, sabah gəlirimi alım” düşüncəsi bir çox gəncin yanaşmasına çevrilib. Amma real biznes mühiti belə işləmir".

O deyir ki, əgər dayanıqlı və uğurlu bir biznes qurmaq istəyiriksə, onun inkişafına zaman tanımaq, mərhələli şəkildə idarə etmək lazımdır: “Günübirlik qərarlarla bu prosesi nəzarətdə saxlamaq mümkün deyil. Biznesin əsas qaydası budur: əvvəl sərmayə qoyursan, sonra səbr və zamanla nəticəsini görürsən. Elə layihələrim var ki, hələ istədiyim səviyyədə deyil, amma illər öncə başlatdıqlarım artıq özünü doğruldub”.

O, biznesi ağaca bənzədib: “Biznes bir ağaca bənzəyir, ağacı əkirsiniz, o əvvəlcə xam meyvə verir, sonra isə illərlə sizi bəhrəsi ilə sevindirir. Biznes də eyni prinsiplə işləyir”.

Sərvanə Rəmixanova