Azərbaycanda hansı nəqliyyat vasitələri daha çox istehsal olunub?

2026-cı ilin yanvar-fevral aylarında Azərbaycanda nəqliyyat vasitələrinin istehsalında artım qeydə alınıb.

Valyuta.az xəbər verir ki, hesabat dövründə 79 ədəd traktor istehsal olunub. Bu, ötən ilin eyni dövrü ilə müqayisədə 1 ədəd və ya 1,28% artım deməkdir.

Minik avtomobillərinin istehsalı 716 ədəd təşkil edib. Ötən ilin eyni dövründə bu göstərici 467 ədəd olub. Beləliklə, illik müqayisədə istehsal 249 ədəd və ya 53,31% artıb.

Yük avtomobilləri üzrə isə daha kəskin artım müşahidə edilib. Bu ilin ilk iki ayında 134 ədəd yük avtomobili istehsal olunub. Ötən ilin eyni dövründə isə bu göstərici 12 ədəd olub. Bu da illik müqayisədə 122 ədəd və ya təxminən 1000% artım deməkdir.

Bundan əlavə, hesabat dövründə 20 ədəd ictimai sərnişin nəqliyyat vasitəsi istehsal olunub.

Ümumilikdə, ən çox istehsal olunan nəqliyyat vasitələri minik avtomobilləri olub və bu seqmentdə əhəmiyyətli artım qeydə alınıb.

Sərvanə Rəmixanova