Şirkət səhmi alarkən aldanmayın: Diqqət etməli olduğunuz 5 əsas təhlükə

​İnvestisiya etmək sadəcə pul qoymaq deyil, həm də riskləri düzgün idarə etməkdir. Bəzən rəqəmlər parlaq görünə bilər, amma dərindən baxdıqda ciddi problemlər gizlənir. 

Maliyyə eksperti Elizabet Makdonaldın məsləhəti ilə, investisiya etməzdən əvvəl bu 5 xəbərdarlıq nişanəsinə baxın:

​1. Maliyyə göstəricilərinin qeyri-sabitliyi

​Şirkətin gəlirləri hər il artmırsa və mənfəəti sabit deyilsə, bu, ilk təhlükədir. Şirkətin borclarının onun mülkiyyətindən çox olub-olmadığını mütləq yoxlayın.

​2. Gizli risklər və məhkəmə işləri

​Şirkətlər öz rəsmi hesabatlarında üzləşdikləri çətinlikləri (məsələn, davam edən məhkəmələr, xammal problemi) qeyd edirlər. Bu bölməni oxumadan investisiya etmək, gözübağlı addım atmaq kimidir.

​3. Zəif balans və şişirdilmiş qiymətlər

​Şirkətin əlindəki nağd pulun borclarını ödəməyə yetib-yetmədiyinə baxın. Əgər səhmin qiyməti onun real qazancından qat-qat bahadırsa, deməli, həmin səhm "şişirdilib" və tezliklə ucuzlaşa bilər.

​4. Səriştəsiz idarəetmə

​Rəhbərlik şirkətin pulunu hara xərcləyir? Əgər pullar mənasız layihələrə və ya nəticəsiz alışlara gedirsə, bu rəhbərlik səhmdarlar üçün dəyər yaratmır deməkdir.

​5. Rəqabət gücünün zəifliyi

​Bazarda rəqibləri çox olan və heç bir üstünlüyü (məsələn, güclü brend və ya ucuz istehsal) olmayan şirkət tezliklə sıradan çıxa bilər. Yeniliklərə uyğunlaşmayan şirkətdən uzaq durun.
​
Yaxşı investisiya tapmaq üçün təkcə reklamlara deyil, rəqəmlərə və hesabatlara baxmaq lazımdır. Bu 5 məqamı yoxlamaq sizi böyük itkilərdən xilas edə bilər.

Tənzilə Ağabalayeva