Çay ixracından ölkəyə daxil olan valyuta 56 min dollar artıb

Cari ilin ilk iki ayında çay ticarətində ixrac göstəricilərində artım qeydə alınsa da, idxalda azalma müşahidə olunub.

Valyuta.az xəbər verir ki, yanvar-fevral aylarında ölkədən 133,55 ton çay ixrac edilib.

Bu həcmdə məhsulun ümumi dəyəri 1 milyon 162,74 min ABŞ dolları təşkil edib. Ötən ilin eyni dövrü ilə müqayisədə ixrac həcmi 10,5 ton və ya 8,6%, dəyər ifadəsində isə 56 min ABŞ dolları və ya 5,14% artıb.

Eyni dövrdə idxal göstəricilərində azalma qeydə alınıb. Azərbaycan xaricdən 1 905,98 ton çay idxal edib ki, bunun dəyəri 12 milyon 603,57 min ABŞ dolları olub. Bu isə illik müqayisədə həcm baxımından 1 141,4 ton (37,4%), dəyər baxımından isə 6 milyon 7,39 min ABŞ dolları (32,2%) azalma deməkdir.

Mayya Hüseynova