Azərbaycan qarğıdalını Rusiyadan 34 qəpiyə, Tailanddan isə 23,8 manata alıb

2026-ci ilin yanvar-mart aylarında Azərbaycan xarici ölkələrdən 20 799,76 ton qarğıdalı idxal edib.

Valyuta.az xəbər verir ki, idxalın ümumi dəyəri 4 milyon 254,24 min ABŞ dolları təşkil edib ki, bu da təxminən 7 milyon 232,21 min manata bərabərdir.

Statistikaya görə, qarğıdalı əsasən Rusiya, Türkiyə və Tailanddan gətirilib.

Rusiyadan 20 506,81 ton məhsul 4 067,57 min ABŞ dollarına idxal olunub. Bu ölkədən gətirilən qarğıdalının 1 kiloqramının orta qiyməti 0,20 ABŞ dolları və ya 0,34 manat olub.

Türkiyədən 292,93 ton qarğıdalı 186,53 min ABŞ dolları dəyərində idxal edilib. Bu ölkədən gətirilən məhsulun 1 kiloqramının orta qiyməti 0,64 ABŞ dolları və ya 1,08 manat təşkil edib.

Tailanddan isə 0,01 ton qarğıdalı 0,14 min ABŞ dollarına idxal olunub. Bu ölkədən gətirilən məhsulun 1 kiloqramının orta qiyməti 14 ABŞ dolları və ya 23,8 manat olub.

Beləliklə, qarğıdalı idxalının həcminə və dəyərinə görə əsas pay Rusiyanın üzərinə düşüb. Ən bahalı məhsul isə orta qiymət baxımından Tailanddan gətirilən qarğıdalı olub.

Sərvanə Rəmixanova