AMB iki şirkətə elektron pul təşkilatı lisenziyası verib

Azərbaycan Mərkəzi Bankı (AMB) "Multi Solutions" və "Cibpay" MMC-lərin fəaliyyət statusunda dəyişiklik edib.

Valyuta.az xəbər verir ki, AMB İdarə Heyətinin 10 iyun 2026-cı il tarixli qərarı əsasında hər iki şirkətin ödəniş təşkilatı lisenziyası ləğv olunub. Eyni zamanda, onlara elektron pul təşkilatı kimi fəaliyyət göstərmək hüququ verən yeni lisenziyalar təqdim edilib.

Qeyd olunub ki, qərar "Ödəniş xidmətləri və ödəniş sistemləri haqqında" qanunun tələblərinə uyğun olaraq qəbul edilib.