"Amazon"dan məlumat mərkəzlərinə 12 milyard dollar investisiya

ABŞ-ın elektron ticarət nəhənglərindən biri olan "Amazon" Luiziana ştatında quracağı yeni məlumat mərkəzi kampusları üçün 12 milyard dollar investisiya yatırmağı planlaşdırdığını açıqlayıb.

Valyuta.az xəbər verir ki, şirkət tərəfindən yayılan bəyanatda məlumat mərkəzlərinə yönələn investisiyalar barədə ətraflı məlumat verilib.

Bəyanatda bildirilib ki, Luizianada yaradılacaq məlumat mərkəzi kampusları üçün 12 milyard dollar həcmində sərmayə qoyuluşu nəzərdə tutulur. Qeyd olunub ki, bu investisiya nəticəsində məlumat mərkəzlərində 540 daimi iş yerinin yaradılması, əlavə olaraq isə 1710 mövqenin dəstəklənməsi gözlənilir.

Açıqlamada həmçinin vurğulanıb ki, "Amazon" kampuslar üçün yerli su infrastrukturuna 400 milyon dollara qədər əlavə investisiya yatırmağı planlaşdırır.

Paşa Məmmədli