“Qala Sığorta”nın səhmdarı olan şirkətin idarə heyətində yeni TƏYİNAT - FOTO

“AzRe Təkrarsığorta" ASC-nin İdarə Heyətinin sədrinə müavin təyin edilib.

Valyuta.az xəbər verir ki, bu vəzifəyə Tural Qasımov gətirilib.

Tural Qasımov son illərdə yeni vəzifəyə təyin olduğu şirkətdə müxtəlif rəhbər vəzifələrdə çalışıb. O, son 3 il ərzində “AzRe”də Baş direktor müavini olub. Eyni zamanda 2024-2025-ci illərdə Baş kommersiya direktoru, 2023-2024-cü illərdə isə Beynəlxalq bazarlar üzrə rəhbər və İdarə Heyətinin üzvü vəzifələrini icra edib.

Bundan əvvəl Tural Qasımov 10 il müddətində “Türker Re” şirkətində fəaliyyət göstərib. O, 2013-2023-cü illərdə Regional direktor, 2013-2021-ci illərdə isə İdarəedici direktor vəzifəsində çalışıb.

Qeyd edək ki, Tural Qasımov ali təhsilini biznesin idarəedilməsi ixtisası üzrə Qərb Universitetində (2001-2005), magistr təhsilini isə maliyyə ixtisası üzrə Azərbaycan Dövlət İqtisad Universitetində (2005-2007) alıb.

Xatırladaq ki, “AzRe Təkrarsığorta” 2007-ci ildə yaradılıb, ölkənin yeganə təkrarsığorta şirkətidir. Onun nizamnamə kapitalı 50 milyon manatdır. Şirkətin səhmləri adları açıqlanmayan 6 fiziki şəxsə məxsusdur. “AzRe Təkrarsığorta” “Qala Sığorta” ASC-nin 100%-lik, “Qala Həyat Sığorta” ASC-nin isə 50%-lik səhmdarıdır.

Sərvanə Rəmixanova