“CFI Financial İnvestisiya”da Müşahidə Şurasından iki üzv pay alıb

“CFI Financial İnvestisiya Şirkəti” QSC-də səhmdar tərkibi ilə bağlı bir neçə mərhələli dəyişiklik həyata keçirilib.

Valyuta.az xəbər verir ki, hər birinin nominal dəyəri 1 000 manat olan 455 ədəd səhm şirkətin digər səhmdarı - “CFI Financial Group Holding Limited” tərəfindən alınıb.

Bununla da sözügedən hüquqi şəxs investisiya şirkətinin nizamnamə kapitalında 100 % paya sahib olub.

Daha sonra, 12 fevral 2026-cı il tarixində Müşahidə Şurası üzvlərinin səhm alışı nəticəsində səhmdar strukturunda yenidən dəyişiklik baş verib. Belə ki, Karim Malas 7 ədəd, Mazen Abbas isə 84 ədəd səhm əldə edib.

Son əməliyyatlardan sonra Karim Malas şirkətin nizamnamə kapitalında 0,15 %, Mazen Abbas isə 1,85 % paya sahib olub.