MİDA daha bir şəhərdə yaşayış kompleksi tikəcək

Mənzil İnşaatı Dövlət Agentliyi (MİDA) Şəmkir şəhərində yeni yaşayış kompleksinin layihələndirilməsinə start verir.

Valyuta.az xəbər verir ki, bununla bağlı keçirilmiş satınalma müsabiqəsinin qalibi “ERA DESIGN GROUP” MMC olub.

Məlumata görə, layihə Şəmkir şəhərində 5,76 hektar torpaq sahəsində yaşayış kompleksinin layihələndirilməsini əhatə edir.

Satınalma müqaviləsinin dəyəri 597 670 manat təşkil edib. Bu, ilkin ehtimal olunan qiymətdən - 854 290,50 manatdan xeyli aşağıdır. 

Qeyd edək ki, qalib şirkət olan “ERA DESIGN GROUP” MMC-nin qanuni təmsilçisi Qəhrəmanova Rəna Anatolyevnadır. Şirkətin nizamnamə kapitalı isə 10 manat təşkil edir.

Sərvanə Rəmixanova