"Bitcoin" 60 min dollara yaxınlaşır - İri kripto şirkəti milyardlarla dollar zərərdədir

Geosiyasi gərginlik fonunda kripto bazarında eniş davam edir.

Valyuta.az xəbər verir ki, bazar günü 68 min dolların üzərində olan "Bitcoin" son enişlərlə 63 min dolların altına düşüb və yenidən 60 min dollar səviyyəsinə yaxınlaşıb.

Bu geriləmə xüsusilə kriptovalyutaları balansında saxlayan iri “xəzinə” şirkətlərinə ciddi təsir göstərib.

Ən böyük iki kripto xəzinə şirkəti - "Strategy" və "Bitmine" hazırda milyardlarla dollar həcmində reallaşmamış zərər açıqlayır.

Məlumata görə, "Strategy" təxminən 9 milyard dollar, "Bitmine" isə 8,4 milyard dollar zərərdədir.

Buna baxmayaraq, hər iki şirkət kriptovalyuta alışlarını davam etdirir. "Strategy" son olaraq 592 ədəd BTC, "Bitmine" isə 51 min ədəd ETH alıb.

Digər kripto xəzinə şirkətlərində də səhmlər kəskin ucuzlaşıb. Məsələn, "Nakamoto" şirkətinin səhmləri 98%, Sol Strategies isə 10 dollardan 1,2 dollara qədər geriləyib.

Beləliklə, "Bitcoin"in 60 min dollara doğru hərəkəti fonunda kripto xəzinə modeli ilə fəaliyyət göstərən şirkətlər ciddi maliyyə təzyiqi ilə üzləşməkdə davam edir.

Sərvanə Rəmixanova