"AFB Bank"ın kredit portfeli bir ildə 94%-dən çox artıb

"AFB Bank"ın 2026-cı ilin ikinci rübü üzrə maliyyə hesabatına əsasən, bankın müştərilərə verdiyi kreditlərin həcmi ötən ilin eyni dövrü ilə müqayisədə əhəmiyyətli dərəcədə artıb.

Valyuta.az xəbər verir ki, bankın müştərilərə verdiyi kreditlərin ümumi həcmi 394 milyon 369 min manata çatıb.

Bu, 2025-ci ilin ikinci rübündə qeydə alınan 202 milyon 906 min manatla müqayisədə 191 milyon 463 min manat və ya 94,4% çoxdur.

Ən yüksək artım istehlak kreditləri seqmentində müşahidə olunub. Belə ki, istehlak kreditlərinin həcmi bir il əvvəlki 26 milyon 581 min manatdan 88 milyon 469 min manata yüksələrək 61 milyon 888 min manat artıb.

Bankın biznes kreditləri portfeli də genişlənib. Bu istiqamətdə kreditlərin həcmi 107 milyon 63 min manatdan 236 milyon 880 min manata yüksəlib ki, bu da 129 milyon 817 min manat artım deməkdir.

Daşınmaz əmlak kreditləri üzrə isə cüzi azalma qeydə alınıb. Hesabat dövrünün sonunda bu kreditlərin həcmi 69 milyon 19 min manat təşkil edib. Bu göstərici ötən ilin eyni dövründəki 69 milyon 263 min manatla müqayisədə 243 min manat və ya 0,35% azdır.

Mayya Hüseynova