"Aqrarkredit" ümumi dəyəri 3 milyon manat olan əmlakları hərraca çıxarır

"Aqrarkredit" QSC Bank olmayan Kredit Təşkilatı balansında olan 8 qeyri-yaşayış sahəsini 20 avqust tarixində hərraca çıxaracaq.

Valyuta.az xəbər verir ki, hərraca çıxarılan bütün əmlaklar Bakı şəhərinin Yasamal rayonunda yerləşir.

Qeyd edək ki, əmlakların yeni ünvanı kimi Arif Mehdiyev küçəsi göstərilib.

Satışa çıxarılan qeyri-yaşayış sahələrinin ümumi sahəsi 2 066,1 kvadratmetr təşkil edir. Obyektlərin sahəsi 169,3 kvadratmetrdən 396,7 kvadratmetrədək dəyişir.

Hərraca çıxarılan əmlakların ümumi start qiyməti 3 milyon 95 min 751 manat, ümumi beh məbləği isə 154 min 787,55 manatdır.

Ən yüksək start qiyməti 396,7 kvadratmetr sahəyə malik Arif Mehdiyev küçəsi, giriş 281A ünvanında yerləşən qeyri-yaşayış sahəsi üçün müəyyən edilib. Bu obyekt 587 min manat start qiyməti ilə satışa çıxarılır. Hərracda iştirak etmək üçün 29 min 350 manat beh ödənilməlidir.

Ən aşağı start qiyməti isə Arif Mehdiyev küçəsi, giriş 285A ünvanında yerləşən 169,3 kvadratmetr sahəsi olan qeyri-yaşayış obyektinə aiddir. Həmin əmlakın start qiyməti 253 min 950 manat, beh məbləği isə 12 min 697,50 manat təşkil edir.

Hərraca çıxarılan əmlakların siyahısı aşağıdakı kimidir:

Mayya Hüseynova