"A-Qrup Sığorta"nın gəlirləri 11,1 milyon manatı ötsə də, xalis mənfəəti 65% azalıb

"A-Qrup Sığorta" ASC 2026-cı ilin birinci yarısı üzrə maliyyə nəticələrini açıqlayıb.

Valyuta.az xəbər verir ki, şirkətin cari ilin ilk yarısında gəlirləri 11 milyon 129 min 563 manat təşkil edib. Bu göstərici 2025-ci ilin eyni dövründə qeydə alınmış 10 milyon 947 min 623 manat ilə müqayisədə 181 min 940 manat və ya 1,66% çoxdur.

Hesabata əsasən, əsas əməliyyat gəlirləri 2025-ci ilin ilk yarısındakı 9 milyon 485 min 55 manatdan 2026-cı ilin ilk yarısında 9 milyon 425 min 119 manata enib. Beləliklə, bu istiqamətdə gəlirlər 59 min 936 manat və ya 0,63% azalıb.

Bununla yanaşı, investisiya gəlirləri 383 min 246 manatdan 537 min 353 manata yüksələrək 154 min 107 manat və ya 40,2% artım göstərib.

Xalis sığorta ehtiyatlarının dəyişməsi üzrə gəlirlər isə 853 min 61 manatdan 921 min 987 manata çatıb ki, bu da 68 min 926 manat və ya 8,1% artım deməkdir.

Hesabata əsasən, şirkətin xərcləri bu ilin ilk yarısında 10 milyon 670 min 860 manat təşkil edib. Bu göstərici 2025-ci ilin eyni dövründə qeydə alınmış 9 milyon 624 min 305 manat ilə müqayisədə 1 milyon 46 min 554 manat və ya 10,87% çoxdur.

O cümlədən, əsas əməliyyat xərcləri 7 milyon 95 min 287 manatdan 7 milyon 824 min 888 manata yüksələrək 729 min 601 manat və ya 10,28% artıb.

İşlərin aparılması xərcləri isə 2 milyon 529 min 18 manatdan 2 milyon 843 min 276 manata çatıb. Bu, ötən ilin eyni dövrü ilə müqayisədə 314 min 257 manat və ya 12,43% artım deməkdir.

Bununla yanaşı, A-Qrup Sığortanın xalis mənfəəti 2026-cı ilin ilk yarısında 458 min 703 manat olub. Halbuki, 2025-ci ilin eyni dövründə şirkət 1 milyon 323 min 318 manat xalis mənfəət əldə edib. Beləliklə, şirkətin xalis mənfəəti 864 min 615 manat və ya 65,34% azalıb.

Sərvanə Rəmixanova