50 yaşdan yuxarı məşhurların lüks aktivləri

Məşhurlar böyük sərvətlər qazanmaq bacarıqları ilə tanınırlar və onların ən ağıllıları bu vəsaiti dəyərini itirməyən, uzunmüddətli aktivlərə yatırırlar.

Ulduzlar 50 yaşlarına çatdıqda, bir çoxu artıq ümumi sərvətlərinin əsas hissəsini təşkil edən incəsənət nümunələri, avtomobillər və daşınmaz əmlak portfelinə sahib olurlar.

Valyuta.az yüksək dəyərə malik aktivləri olan 50 yaşdan yuxarı bəzi ulduzları və həmin aktivlərin qiymətini təqdim edir:

Leonardo Dikaprio:

İncəsənət 51 yaşlı Leonardo Dikaprio milyonlarla dollar dəyərində lüks incəsənət kolleksiyasına sahibdir. MyArtBroker-in məlumatına görə, o, 2011-ci ildə Salvador Dalinin "Chevalier" əsərini 1.2 milyon dollara alıb. Aktyor həmçinin Oskar Murilyonun "Under the Influence" əsərini 400,000 dollara əldə edib. Dikaprioya məxsus digər əsərlər arasında "Wall Street Journal"ın qeyd etdiyi, 2013-cü ildə 735,000 dollara aldığı Takaşi Murakaminin "Mononoke" və 2015-ci ildə 250,000 dollara aldığı Uolton Fordun "Pacific Theater" əsərləri var.

Dueyn Conson:

Avtomobillər 53 yaşlı Dueyn "The Rock" Consonun yüksək səviyyəli avtomobil kolleksiyasına 2.55 milyon dollarlıq Pagani Huayra, 1.4 milyon dollarlıq "Ferrari LaFerrari" və 300,000 dollarlıq "Rolls-Royce Wraith" daxildir. Onun qarajında həmçinin xüsusi sifarişlə yığılmış bir neçə "Ford F-150" yük maşını, "Lamborghini Huracan" və "McLaren P1" də yer alır.

Jay-Z:

İncəsənət "Social Life Magazine"ə görə, Jay-Z-nin müasir incəsənət kolleksiyası təxminən 70 milyon dollar dəyərindədir. 2013-cü ildə o və Beyonse hərracda Jan-Mişel Baskiyanın "Mecca" əsərini 4.5 milyon dollara alıblar. 56 yaşlı repçi, həmçinin Roc Nation-ın Nyu-Yorkdakı baş qərargahında sərgilənən müxtəlif dəyərli Baskiya əsərlərinə sahibdir.

Kolleksiyada Demien Hörst və Riçard Prinsin də işləri mövcuddur.

Cerri Saynfeld:

Avtomobillər 71 yaşlı Cerri Saynfeld dünyanın ən dəyərli Porsche kolleksiyalarından birinə sahibdir və bu kolleksiyanın dəyəri 100 milyon dollardan çox qiymətləndirilir. Kolleksiyaya 1955-ci il istehsalı olan Porsche 550 Spyder, 1986-cı ilin "Porsche" 959 modeli və ən azı iki ədəd klassik 911 daxildir.

Opra Vinfri:

Daşınmaz Əmlak 72 yaşlı Opra Vinfrinin daşınmaz əmlak portfelinin dəyəri 200 milyon dollardan çoxdur. Onun Montesitoda yerləşən və "Promised Land" (Vəd edilmiş torpaq) kimi tanınan malikanəsi təxminən 100 milyon dollar dəyərindədir. Vinfri 2015-ci ildə bu mülkü qonşuluqdakı 28.85 milyon dollarlıq atçılıq təsərrüfatı ilə daha da genişləndirib. Kaliforniyadan kənarda isə onun Telluraydda 14 milyon dollarlıq dağ evi və Mauidə təxminən 60 milyon dollarlıq mülkləri var.

Tənzilə Ağabalayeva