“Alibaba”nın süni intellekt hədəfi: 53 milyard dollarlıq sərmayə

Alibaba Group Holding Ltd növbəti üç il ərzində süni intellekt Aİ infrastrukturuna 380 milyard yuandan (təxminən 53 milyard dollar) çox sərmayə yatırmağı planlaşdırır. 

Valyuta.az xəbər veirir ki, bu, e-ticarət nəhənginin süni intellekt sahəsində lider olmaq istəyini vurğulayır.

Şirkət Aİ-ni inkişaf etdirmək və bu texnologiyanı real dünyada tətbiq edən əsas tərəfdaş olmaq məqsədini güdür. “Alibaba”nın açıqlamasına görə, bu sərmayə, Aİ modellərinin təkamülünü və daha güclü hesablama ehtiyaclarını qarşılamaq üçün ediləcək. Eyni zamanda, “Alibaba” şirkəti bu sahədə dünya səviyyəsində qabaqcıl olmaq arzusunu qeyd edib.

“Alibaba” 2020-ci ildən etibarən hökumətin tətbiq etdiyi sıxışdırma siyasətinin təsirini azaldaraq biznesini düzəltməyə çalışır və özünü yenidən e-ticarət və süni intellektə yönəldib. “Alibaba”nın Baş İcraçı Direktoru Eddie Wu, Süni Ümumi İntellekt (AGI) sahəsində ən böyük məqsədlərindən birinin bu texnologiyanı inkişaf etdirmək olduğunu bildirib. O, “OpenAI” və digər böyük ABŞ şirkətləri ilə rəqabətə girmək üçün “Alibaba”nın əzmini vurğulayıb. 

“Meta Platforms”, “Amazon” və digər böyük texnologiya şirkətləri də Aİ xidmətlərini inkişaf etdirmək üçün milyardlarla dollar sərmayə yatırmağı planlaşdırır. Lakin, Wall Street bəzi analitikləri, bu texnologiyaya olan tələb barədə şübhələrini dilə gətirirlər, xüsusilə Çinli “DeepSeek” şirkətinin, digər rəqiblərin sərmayəsinin bir hissəsi ilə təlim almış modelini təqdim etməsindən sonra “Alibaba”nın Honkonq səhmləri bazarda 2,5% eniş yaşayıb.

“Alibaba” sərt rəqabət aparacaq

“Alibaba” ABŞ-ın texnologiya şirkətləri ilə müqayisədə daha yeni olduğu üçün bu sahəyə sərmayə yatırmağı gecikdirdiyini etiraf edir. Məsələn, “Microsoft” bu maliyyə ilində Aİ data mərkəzlərinə 80 milyard dollar xərcləməyi gözləyir, “Meta” isə 2025-ci il üçün təxminən 65 milyard dollar ayrılacağını açıqlayıb. Buna baxmayaraq, “Alibaba” da süni intellekt sahəsində rəqabət aparmaq üçün qərarını sərt şəkildə artırıb.

Çin firmalarının ABŞ-ın ən bahalı Aİ çipləri olan “Nvidia corp”un alışı ilə bağlı mövcud sanksiyalarla qarşılaşdıqlarını, bunun hesablama gücünü məhdudlaşdırdığını, lakin bu vəziyyətin xərcləri nisbətən daha səmərəli etməyə kömək etdiyini bildirib. “Alibaba”nın süni intellekt sahəsindəki bu irəliləyişi, şirkətin gələcəkdəki biznes modellərinin və xüsusən onlayn ticarət platformasının daha da güclənəcəyinə işarə edir.

Sərvanə Rəmixanova