Milyonluq tenderlərin qalibi olan "Buz Tech" məhkəmə qarşısında

"Buz Tech" şirkəti barəsində inzibati protokol tərtib edilib. 

Valyuta.az xəbər verir ki, şirkət İnzibati Xətalar Məcəlləsinin 464-cü (“Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınma) maddəsi ilə ittiham edilir. 

İş baxılması üçün Binəqədi Rayon Məhkəməsinə göndərilib. 

464-cü maddəyə görə vəzifəli şəxslər üç yüz manatdan altı yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir.

İKT məhsullarının satışını həyata keçirən "Buz Tech" şirkəti dövlət satınalmalarında fəal iştirak edir və adətən milyonluq müsabiqələrin qalibi olur. Şirkət təkcə 2024-cü ildə 20 tenderin qalibi seçilib. 

Hüseyn