"Xalq Sığorta" müştərilərinə nə qədər ödəniş edib?

Cari ilin yanvar-oktyabr aylarında “Xalq Sığorta” ASC-nin yığımları 22 milyon 185 min manat təşkil edib. 

Valyuta.az xəbər verir ki, ötən ilin eyni dövrü ilə müqayisədə sığorta yığımlarını 2 milyon 398 min manat və ya 12,11%  artırıb. 

Ötən ilin eyni dövründə sığorta şirkətinin yığımları 19 milyon 787 min manat olub. 

“Xalq Sığorta” ASC-nin sığorta ödənişlərində isə cüzi 225 min manat və ya 2,58% artım olub. 

Belə ki, cari ilin ilk 10 ayında şirkət 8 milyon 923 min manat artım olub. 

Ötən ilin eyni dövründə isə şirkətin sığorta ödənişləri 8 milyon 698 min manat olub. 

Hesabata əsasən, “Xalq Sığorta” ASC cari ilin yanvar-oktyabr aylarında hər 100 manatdan 40,22 manat ödənişə ayırıb. Ötən ilin eyni dövründə isə bu məbləğ 43,95 manat təşkil edib. 

Sərvanə Rəmixanova