Al bumu səbəbindən Android smartfonları köhnə texnologiyalara qayıdacaq

Android smartfon istehsalçıları əsas komponentlərin qiymətinin artması (süni intellekt bumu) fonunda giriş və orta səviyyə cihazlarda ekran xüsusiyyətlərini yenidən nəzərdən keçirə bilərlər. 

Valyuta.az xəbər verir ki, bu barədə etibarlı insayder "Digital Chat Station" Çin sosial şəbəkəsi "Weibo" səhifəsində bildirib.

İnsayderin sözlərinə görə, bir sıra Çin brendləri artıq yeni smartfonları 90 Hz təzələmə tezliyi olan sadə ekranlar və “damla” formasında U-şəkilli ön kamera kəsiyi ilə sınaqdan keçirir. Bu həllər əvvəllər büdcə cihazlarında geniş istifadə olunurdu, lakin son illərdə bazar daha yüksək təzələmə tezlikli panellərə və ekran üzərində deşiklərə keçib.

Əsas səbəb olaraq yaddaş modulunun qiymətinin artması göstərilir. Büdcə cihazlarında bu komponentlərin payı istehsal xərclərində yüksək olduğundan, qiymət artımı istehsala ciddi təzyiq göstərir.

Nəticədə istehsalçılar iki seçimlə qarşı-qarşıyadır: pərakəndə satış qiymətlərini artırmaq və ya bəzi komponentlərin xərclərini azaltmaq. "Digital Chat Station"ın məlumatına görə, bir çox şirkət ikinci variantı seçərək cihazları tanış qiymət kateqoriyasında saxlamağa çalışır.

Paşa Məmmədli