Cəbrayılda 7 milyon manatlıq tikinti işləri görüləcək

Məcburi Köçkünlərin Sosial İnkişaf Fondu Cəbrayıl rayonunun Şükürbəyli kəndində 1042 ailəlik yaşayış məntəqəsinin (I mərhələ — 635 ailəlik) sel sularından mühafizəsi ilə bağlı işlərin görülməsi üçün tender elan edib.

Valyuta.az xəbər verir ki, satınalma drenaj şəbəkəsinin, istinad divarlarının, körpülərin və yağış kanalizasiya şəbəkəsinin tikintisini, həmçinin sel sularından mühafizə tədbirlərinin həyata keçirilməsini əhatə edir.

Tenderin ehtimal olunan qiyməti 7 149 177,50 manatdır.

Satınalma üzrə müraciətlərin qəbulu aprelin 20-dək davam edəcək.

Tənzilə Ağabalayeva