Tanınmış investor Arthur Heys: “Hazırda Bitcoin almazdım”

Kriptovalyuta bazarında tanınmış investor Artur Heys (Arthur Hayes) qısamüddətli perspektivdə bazarda alış etməyəcəyini bildirib.

Valyuta.az xəbər verir ki, o, kripto jurnalisti Natali Brunellin (Natalie Brunell) “YouTube” kanalında çıxışı zamanı hazırkı bazar şəraitində gözləməyin daha doğru olduğunu deyib.

“İndi mənə 1 dollar belə versələr, "Bitcoin" almaram, sadəcə gözləyərəm. Bazarda əlavə satış dalğası ola bilər”, - deyə Heys bildirib.

Onun sözlərinə görə, hazırda "Bitcoin"in zəif görünməsinin əsas səbəbi qlobal likvidlik çatışmazlığıdır. Bununla belə, Heys uzunmüddətli perspektivdə kriptovalyutalara inamının yüksək olduğunu vurğulayıb.

Sərvanə Rəmixanova