İranın "hədəf" siyahısı genişlənir: Texnologiya nəhəngləri və banklar da siyahıdadır

İran İslam İnqilabı Keşikçiləri Korpusuna (SEPAH, İran Silahlı Qüvvələrinin elit bölməsi) yaxınlığı ilə tanınan “Tasnim” Xəbər Agentliyi ABŞ mənşəli və İsrail əlaqəsi olduğu qeyd olunan texnologiya şirkətlərinin ofislərini əhatə edən bir siyahı yayımlayıb. 

Valyuta.az-ın məlumatına görə, xəbərdə qeyd olunur ki, hərbi məqsədlər üçün istifadə edildiyi iddia olunan texnologiyalar səbəbindən bu nöqtələr “İranın yeni hədəfləri” hesab olunur.

Siyahıda "Google", "Microsoft", "Palantir", IBM, "Nvidia" və "Oracle" kimi texnologiya nəhənglərinin ofisləri və infrastruktur obyektləri yer alıb. Qeyd edilib ki, bu obyektlər yalnız İsraildə deyil, bəzi Körfəz ölkələrində də mövcuddur.

"Al Jazeera"nın verdiyi məlumata görə, yayımlanan metndə regional müharibənin “infrastruktur müharibəsinə” çevrildiyi vurğulanır. Mətndə qeyd olunur: "Regional müharibənin həcmi infrastruktura doğru genişləndikcə, İranın qanuni hədəflərinin əhatəsi də genişlənir".

İran ordusu həmçinin ölkədə bir bankanın hədəf alındığını açıqlayıb. İran mediası ABŞ və İsrailin gecə saatlarında Tehrandakı bankı vurduğunu və əməkdaşların həyatını itirdiyini xəbər verib. Bunun ardınca İran ordusu ABŞ və İsrailə aid iqtisadi hədəflərə qarşı misillemə əməliyyatları həyata keçirə biləcəyini bildirib.

Hatemül Enbiya Mərkəzi Qərargahı sözçüsü İbrahim Zülfikari deyib: "Düşmən, ABŞ və Sionist rejimə aid iqtisadi mərkəzləri və bankları hədəf almamız üçün bizə sahə açdı".

Paşa Məmmədli