"YouTube"un illik gəliri 60 milyard dollara çatıb

"YouTube"un illik gəliri 60 milyard dollara çatıb.

Valyuta.az xəbər verir ki, "YouTube" platformasının reklamlar və abunəliklər daxil olmaqla ümumi illik gəliri ötən illə müqayisədə 17% artaraq 60 milyard dollar təşkil edib.

Məlumata görə, "Alphabet" şirkəti "YouTube Premium" və "Google One" xidmətləri üzrə ödənişli istifadəçi sayının 300 milyondan 325 milyona yüksəldiyini açıqlayıb. "YouTube"un 2025-ci ilin dördüncü rübündə reklam gəlirləri 11,38 milyard dollar olub.

Qeyd edək ki, "YouTube"un illik gəliri "Netflix"iin 2025-ci ildə əldə etdiyi 45 milyard dollarlıq gəlirdən 33% çoxdur. Platformanın qısa video xidməti "YouTube Shorts" gündəlik orta hesabla 200 milyard baxış toplayır.

"Alphabet"in baş icraçı direktoru Sundar Pichai bildirib ki, şirkət "YouTube TV" üzrə abunəlik paketlərini genişləndirməyi planlaşdırır. Şirkət 2026-cı ildə kapital xərclərini 175-185 milyard dollar aralığında artırmağı nəzərdə tutur.

Sərvanə Rəmixanova