Tim Kuk planı açıqladı: "Apple"ın 50 illik yubileyi necə keçiriləcək?

“Apple” korporasiyası 1 aprel 2026-cı ildə rəsmi olaraq qeyd olunacaq 50 illik yubileyə hazırlaşır. 

Valyuta.az xəbər verir ki, bu barədə "Bloomberg"in tanınmış insayder və müxbiri Mark Qurman yazıb.

Qurmanın məlumatına görə, şirkətin baş direktoru Tim Kuk işçilərlə daxili görüş zamanı bu əlamətdar günü qeyd edəcəklərinə söz verib. O, “Apple”ın tarixi haqqında son dövrlərdə etdiyi düşüncələrin “qəlbini sevindirdiyini” etiraf edib və yarım əsrlik yubiley münasibətilə bayramın keçiriləcəyini vəd edib.

“Apple” 1 aprel 1976-cı ildə təsis olunub. Keçən 50 il ərzində şirkət yüksəlişlər və enişlər yaşayıb, 1990-cı illərin sonunda iflas təhlükəsi ilə üzləşsə də, 2010-cu illərin əvvəlində dünyanın ən bahalı açıq səhmdar şirkətinə çevrilib.

Gözlənilən yubileyin aktuallığı son maliyyə uğurları ilə də bağlıdır: son rübdə “Apple” tarixində rekord gəlir əldə edib, əsasən rekord səviyyədə "iPhone" satışları sayəsində. Şirkət əlamətdar tarix öncəsi xüsusi tədbirlər hazırlayır, lakin detalları hələ açıqlanmayıb.

Paşa Məmmdli