“Fundamental” startapı 255 milyon dollar investisiya alıb

Süni intellekt sahəsində fəaliyyət göstərən “Fundamental” startapı ümumilikdə 255 milyon ABŞ dolları həcmində investisiya cəlb etdiyini açıqlayıb.

Valyuta.az xəbər verir ki, şirkətin dəyəri 1,2 milyard dollara yüksəlib.

“Fundamental” şirkəti yeni investisiyadan strukturlaşdırılmış böyük verilərin analizi üçün hazırlanmış “Nexus” modelinin inkişafı, bu modelin korporativ müştərilər arasında genişləndirilməsi və “AWS” platforması üzərindən təqdim edilməsi məqsədilə istifadə edəcək.

Şirkət iri müəssisələrin maliyyə, əməliyyat, təchizat zənciri və müştəri xidmətləri sahələrində yaratdığı böyük həcmli veriləri təhlil etmək üçün süni intellekt həlləri təklif edir. Bu çərçivədə təqdim edilən “Nexus” modeli ənənəvi dil modellərindən fərqli olaraq, məhz cədvəllər və verilənlər bazası ilə işləmək üçün nəzərdə tutulub.

Mayya Hüseynova