"Nvidia" 30 ildən sonra ilk dəfə heç bir yeni qrafik kart təqdim etməyəcək

"Nvidia" bu il yeni oyun GPU-larını buraxmayacaq – bu, son 30 il ərzində ilk dəfə baş verir. Şirkət çatışmayan yaddaşı öz data-mərkəz sürətləndiricilərinə yönəltməyi qərara alıb.

Valyuta.az xəbər verir ki, bu barədə “The Information” nəşri mənbələrə istinadən yazıb.

Süni intellektin (AI) sürətli inkişafı səbəbindən "Nvidia" əvvəlcədən planlaşdırılan "RTX 5000 Super" seriyasının modellərini yanvar ayında təqdim etməyəcək. Onların gələcəyi hələ də tam aydın deyil, amma şirkət buraxılışı tamamilə ləğv edə bilər.

2026-cı ildə "Nvidia"dan gözlənilən yeganə yenilik isə PC və noutbuklar üçün yerli AI-tətbiqlərinə fokuslanan N1X/N1 ARM çipləri olacaq.

Bundan əlavə, "Nvidia" "RTX 50xx "seriyasının istehsalını azaltmağı planlaşdırır ki, bu da pərakəndə satışda çatışmazlıq və bəzi modellərin – xüsusilə "RTX 5090", "RTX 5070 Ti" və 16 GB yaddaşlı "RTX 5060 Ti" – qiymətlərinin artmasına səbəb ola bilər.

Sosial və texnologiya mənbələrinə görə, növbəti nəsil GPU-ların – "Rubin" kod adlı "RTX 60" seriyasının – təqdimatı da təxirə sala bilər. Əvvəlcə bu videokartların 2027-ci ilin sonlarına yaxın buraxılması planlaşdırılsa da, indi ən yaxşı halda onların təqdimatı 2028-ci ilə qədər gecikəcək.

Eyni zamanda, media xəbər verir ki, AMD qrafik kartları 2026-cı ilin əvvəlindən ikinci dəfə qiymət artımı yaşayacaq. Yanvarda "Radeon RX 9000" modelləri təxminən 5-10% bahalaşıb.

Steam platformasında aparılan son sorğuya görə, istifadəçilərin 73%-dən çoxu "Nvidia" qrafik kartlarından istifadə edir, AMD-nin payı isə yalnız 18%-dir. Ən populyar qrafik kart "GeForce RTX 4060" hesab olunur.

Paşa Məmmədli