"Reddit" bu ölkədə şirkət qurdu

"Reddit" Türkiyədə şirkət qurdu.

Valyuta.az xəbər verir ki, ABŞ mərkəzli sosial platforma "Reddit" Türkiyədə rəsmi olaraq şirkət yaradıb. Məlumata əsasən, şirkət “Reddit İstanbul Online Platform Hizmetleri Ltd. Şti.” adı ilə İstanbul şəhərində qeydiyyatdan keçib.

Şirkətin hüquqi ünvanı Kağıthane rayonu olaraq göstərilib. "Reddit"in Türkiyədə yaratdığı şirkətin nizamnamə kapitalı 50 min TL təşkil edir və vəsaitin tam həcmdə nağd şəkildə ödənildiyi bildirilir.

Rəsmi qeydiyyata görə, şirkət rəqəmsal reklam, satış və marketinq, proqram təminatı və tətbiqlərin hazırlanması, eləcə də onlayn platformaların idarə olunması sahələrində fəaliyyət göstərəcək. Şirkət tək təsisçi əsasında yaradılıb, direktor vəzifəsini isə Benjamin Seong Lee icra edir.

Ekspertlər "Reddit"in Türkiyədə şirkət qurmasını platformanın yerli əməliyyatlarını gücləndirməsi, reklam fəaliyyətlərini birbaşa ölkə üzərindən həyata keçirməsi və tənzimləyici tələblərə daha uyğun struktur formalaşdırması baxımından mühüm addım kimi qiymətləndirirlər.