Xaricə qızıl satan Azərbaycan şirkətinin gəlirləri açıqlandı

Cari ilin yanvar-iyul aylarında “AzərGold” MMC ixrac fəaliyyətindən 125,1 milyon ABŞ dolları dəyərində gəlir əldə edib.

Valyuta.az xəbər verir ki, ötən ilin eyni dövründə şirkətin ixrac gəlirləri 55,1 milyon dollar olub. Nəticədə “AzərGold”un göstəriciləri bir ildə 127% artaraq 2,3 dəfədən çox yüksəlib.

Qeyd edək ki, qeyri-neft sektoru üzrə ixrac əməliyyatlarında dövlətə məxsus şirkətlər arasında lider mövqedə ARDNŞ-in Marketinq və İqtisadi Əməliyyatlar İdarəsi qərarlaşıb, qurumun ixrac gəliri 244,2 milyon dollar təşkil edib. Siyahının son pilləsində isə “İstisu Mineral Su Zavodu” MMC qərarlaşıb. Zavodun ixracdan əldə etdiyi gəlir 562,4 min dollar olub.

Sərvanə Rəmixanova