"Xalq Sığorta" topladığı hər 100 manatın 37 manatını müştərilərinə ödəyib

“Xalq Sığorta” ASC-nin cari ilin yanvar-may aylarında sığorta yığımları 11 milyon 40 min manat təşkil edib.

Valyuta.az xəbər verir ki, ötən ilin eyni dövrü ilə müqayisədə şirkətin yığımları 406 min manat və ya 3,55% azalıb.

Belə ki, “Xalq Sığorta” 2025-ci ilin yanvar-may aylarında 11 milyon 446 min manat sığorta haqqı toplayıb.

Şirkətin sığorta ödənişlərində isə illik müqayisədə artım qeydə alınıb. Belə ki, ödənişlər 606 min manat və ya 17,63% artaraq 3 milyon 438 min manatdan 4 milyon 44 min manata yüksəlib.

“Xalq Sığorta” cari ilin ilk 5 ayında topladığı hər 100 manat sığorta haqqının təxminən 36,63 manatını ödənişlərə yönəldib. Müqayisə üçün qeyd edək ki, ötən ilin eyni dövründə bu göstərici 30,04 manat olub.

Sərvanə Rəmixanova