Qovunun kilosu 1,2 manatdan 1,7 manata qədər dəyişib

2026-ci ilin yanvar-may aylarında Azərbaycan xarici ölkələrdən 16,13 ton qovun idxal edib.

Valyuta.az xəbər verir ki, idxalın ümumi dəyəri 13,37 min ABŞ dolları təşkil edib ki, bu da təxminən 22,7 min manata bərabərdir.

Statistikaya görə, qovun əsasən İran, Braziliya, Türkiyə və Kosta-Rikadan gətirilib.

İrandan 8,36 ton qovun 6,02 min ABŞ dollarına idxal olunub. Bu ölkədən gətirilən məhsulun 1 kiloqramının orta qiyməti 0,72 ABŞ dolları və ya 1,22 manat olaraq hesablanıb.

Braziliyadan 5,39 ton qovun 5,39 min ABŞ dolları dəyərində idxal edilib. Braziliyadan gətirilən məhsulun 1 kiloqramının orta qiyməti 1 ABŞ dolları və ya 1,70 manat təşkil edib.

Türkiyədən 1,4 ton qovun 0,98 min ABŞ dollarına gətirilib. Bu ölkə üzrə qovunun 1 kiloqramının orta qiyməti 0,70 ABŞ dolları və ya təxminən 1,19 manat olub.

Kosta-Rikadan isə 0,98 ton qovun 0,98 min ABŞ dolları dəyərində idxal olunub. Bu ölkədən gətirilən məhsulun 1 kiloqramının orta qiyməti 1 ABŞ dolları və ya təxminən 1,70 manat təşkil edib.

Sərvanə Rəmixanova