Agentliyin avtomobilləri 1 800 manatdan satışa çıxarılır

Azərbaycan Respublikasının Kənd Təsərrüfatı Nazirliyi yanında Aqrar Xidmətlər Agentliyi balansında olan 11 nəqliyyat vasitəsini ikinci dəfə təkrar hərraca çıxarır.

Valyuta.az xəbər verir ki, hərraca çıxarılan avtomobillər əsasən 1992-2008-ci il istehsalı olan "QAZ", VAZ, UAZ, TOFAŞ, "Chery" və "Chevrolet Niva" markalı minik avtomobilləridir.

Nəqliyyat vasitələrinin başlanğıc satış qiymətləri 1 800 manatdan 3 000 manatadək dəyişir. Ən yüksək ilkin qiymət 2006-cı il istehsalı olan "Chevrolet Niva 212300" markalı avtomobil üçün 3 000 manat, ən aşağı qiymət isə 2004-cü il istehsalı VAZ-21074 markalı avtomobil üçün 1 800 manat müəyyən edilib.

Sözügedən nəqliyyat vasitələri alıcı tapmadığı üçün ikinci dəfə təkrar hərraca çıxarılır.

Mayya Hüseynova