Daşınmaz əmlakın icbari sığortasında 39 milyonluq geriləmə

Cari ilin yanvar-may aylarında daşınmaz əmlakın icbari sığortası üzrə yığımlar 14 milyon 830 min manat təşkil edib.

Valyuta.az xəbər verir ki, ötən ilin eyni dövrü ilə müqayisədə yığımlar 39 milyon 216 min manat və ya 72,56% azalıb.

Belə ki, 2025-ci ilin yanvar-may aylarında bu sığorta növü üzrə yığımlar 54 milyon 46 min manat olub.

Buna baxmayaraq, sığorta ödənişlərində artım qeydə alınıb. Belə ki, ödənişlər illik müqayisədə 404 min manat və ya 34,95% artaraq 1 milyon 156 min manatdan 1 milyon 560 min manata yüksəlib.

Cari ilin ilk beş ayında bu sığorta növü üzrə toplanan hər 100 manat sığorta haqqının 10,52 manatı ödənişlərə yönəldilib. Müqayisə üçün qeyd edək ki, ötən ilin eyni dövründə bu göstərici 2,14 manat təşkil edib.

Sərvanə Rəmixanova