Mərkəzi Bank virus və kibertəhdidlərə qarşı sistem üçün 625 min manat xərcləyəcək

Azərbaycan Mərkəzi Bankı XSOAR təhdid kəşfiyyatının idarə edilməsi sistemi, virus və təhdidlərə qarşı aşkarlama və reaksiya sisteminin (XDR) dəstəklənməsinin satın alınması ilə bağlı elan etdiyi satınalma müsabiqəsini yekunlaşdırıb.

Valyuta.az xəbər verir ki, satınalmanın qalibi "SMARTIT" MMC seçilib.

Şirkətlə 625 min 614,8 manat məbləğində müqavilə bağlanıb. Halbuki satınalmanın ehtimal olunan dəyəri 689 min 750,91 manat müəyyən edilib. Beləliklə, yekun müqavilə məbləği ehtimal olunan qiymətdən 64 min 136,11 manat və ya təxminən 9,3% aşağı olub.

Qeyd edək ki, satınalma müsabiqəsi bu ilin 21 aprel tarixində elan olunub.

Məlumata görə, "SMARTIT" MMC-nin nizamnamə kapitalı 100 manat təşkil edir. Şirkətin qanuni təmsilçisi isə Nicat Abdullayev Vaqif oğludur.

Sərvanə Rəmixanova