Süni intellekt şirkəti 300 milyonluq investisiya aldı

"Ricursive Intelligence" 300 milyon dollar investisiya cəlb edib.

Valyuta.az xəbər verir ki, ABŞ mərkəzli süni intellekt şirkəti "Ricursive Intelligence" A seriyası çərçivəsində 300 milyon dollar investisiya alıb. Raunda "Lightspeed Venture Partners" liderlik edib, digər investorlar arasında "DST Global", "NVentures", "Felicis Ventures", "Sequoia Capital" və bir sıra fondlar yer alıb.

Şirkət cəlb olunan vəsaiti süni intellektlə çip dizaynını avtomatlaşdıran texnologiyanın inkişafına və öz-özünü təkmilləşdirən silikon infrastrukturunun miqyaslandırılmasına yönəldəcək.