“Atəşgah” Sığortanın illik yığımları 12 milyondan çox azalıb

2025-ci ilin yanvar-dekabr aylarında “Atəşgah” Sığorta ASC-nin yığımları azalıb.

Valyuta.az xəbər verir ki, sözügedən sığorta şirkətinin bu müddət ərzində topladığı sığorta haqqı 63 milyon 804 min manat təşkil edib. 2024-cü ilin eyni dövründə isə şirkətin sığorta haqqı 76 milyon 436 min manat olub.

Beləliklə, illik müqayisədə şirkətin topladığı sığorta haqqındakı azalma 12 milyon 632 min manat və ya 16,52% olub.

“Atəşgah” Sığorta ASC-nin sığorta ödənişlərində isə artım müşahidə olunub.

Belə ki, 2025-ci ilin yanvar-dekabr aylarında sığorta şirkətinin sığorta ödənişləri 40 milyon 469 min manat olub. 2024-cü ilin yanvar-dekabr ayında isə sığorta ödənişləri 29 milyon 18 min manat təşkil edib.

Nəticədə, şirkətin sığorta ödənişləri illik müqayisədə 11 milyon 451 min manat və ya 39,46% artım göstərib.

Tənzilə Ağabalayeva