İlon Mask və Pavel Durov "Meta"nı tənqid edir

WhatsApp-ın təhlükəsizliyi ilə bağlı müzakirələr yenidən gündəmə gəlib.

Valyuta.az xəbər verir ki, “Telegram”ın qurucusu Pavel Durov "Meta"ya məxsus "WhatsApp"ın təhlükəsiz olmadığını iddia edib.

O, 2026-cı ildə "WhatsApp"a güvənməyin yanlış olduğunu bildirib.

Durovun sözlərinə görə, tətbiqin şifrələmə mexanizmində risklər mövcuddur.

İlon Mask da bu tənqidlərə qoşularaq "WhatsApp"ın etibarlı olmadığını deyib.

Bu açıqlamalar ABŞ-da "WhatsApp"a qarşı qaldırılmış məhkəmə iddiası fonunda səsləndirilib.

İddiaya əsasən, "Meta" sonadək şifrələmə vədlərinə baxmayaraq istifadəçi mesajlarına çıxış əldə edə bilir.

"Meta" isə bu ittihamları qətiyyətlə təkzib edir.

Şirkət bildirib ki, mesajların şifrələmə açarları yalnız istifadəçilərin cihazlarında saxlanılır.

Məsələ hazırda ABŞ məhkəməsində araşdırılır.

Sərvanə Rəmixanova