Süd və qaymağın kiloqramını xaricdən 3 manata almışıq

2025-ci ilin yanvar-dekabr aylarında Azərbaycan 32 milyon 208,32 min ABŞ dolları dəyərində 18 319,24 ton süd və qaymaq idxal edib.

Valyuta.az xəbər verir ki, bu, 2024-cü ilin eyni dövrü ilə müqayisədə bu dəyər ifadəsi ilə 7 milyon 428,1 min ABŞ dolları (29,97 %) və ya miqdar ifadəsilə isə 2 852,45 ton (18,44 %) artım deməkdir.

Qeyd edək ki, 2024-cü ilin yanvar-dekabr aylarında Azərbaycana 24 milyon 780,22 min ABŞ dolları dəyərində, 15 466,79 ton süd və qaymaq idxal edilib.

Hesablamalara əsasən, 2025-ci ildə 1 kiloqram süd və qaymağın orta idxal qiyməti təxminən 1,76 ABŞ dolları (təxminən 3 manat) olub. Halbuki bu göstərici 2024-cü ildə 1,60 ABŞ dolları (təxminən 2,72 manat) təşkil edib.

Beləliklə, idxal qiymətində kiloqram üzrə 9,74 %-lik artım qeydə alınıb.

Tənzilə Ağabalayeva