Startaplar investorlarla danışarkən bu 9 cümləni işlətməməlidir - SƏHƏR OXUSU

Startap dünyasında ən yaxşı ideya belə yanlış təqdimat qarşısında dəyərini itirə bilər. İnvestorla ilk görüş bəzən milyonlarla dollarlıq qərarı müəyyənləşdirir və bircə səhv ifadə potensial sərmayəni dərhal sıradan çıxara bilər. Məhz buna görə də tanınmış investor və M&A mütəxəssisi Richard Harroch startapların investorlarla danışarkən heç vaxt işlətməməli olduğu 10 təhlükəli ifadəni açıqlayıb.

Valyuta.az həmin siyahını təqdim edir:

1. “Bizim rəqibimiz yoxdur”.

Bu yanaşma startapın bazarı anlamadığını göstərir. Hər biznesin rəqibi var.

2. “Biz məlumat verməzdən əvvəl məxfilik müqaviləsi imzalayın”.

Əksər investorlar məxfilik müqaviləsi imzalamır və bu tələb dialoqun başlanğıcında mənfi siqnal yaradır.

3. “Bizdə əla ideya var, onu inkişaf etdirmək üçün investisiya istəyirik".

İnvestorlar ideyaya deyil, traksiyaya baxır: satış, istifadəçi artımı, tərəfdaşlıq və s.

4. “Üç ilə 500 milyon satış edəcəyik”.

Reallıqdan uzaq proqnozlar investorları uzaqlaşdırır.

5. “Şirkəti MMC kimi yaratmışıq, investisiya ora qoyulsun”.

Peşəkar investorlar əsasən hüquqi və korporativ cəhətdən tam formalaşmış şirkət quruluşlarına sərmayə yatırırlar.

6. “Yeni başlamışıq, amma dəyərimiz 50 milyon dollardır”.

Əsaslandırılmamış yüksək qiymətləndirmə investorların ən sevmədiyi siqnallardandır.

7. “Məhsul özünü satacaq”.

Heç bir məhsul “özünü satmır”. Satış və müştəri qazanma strategiyası mütləqdir.

8. “Sizə 50 səhifəlik biznes planı göndərim.”

İnvestorların istədiyi material 15-20 slaydan ibarət qısa "pitch-deck."

9. “Biz hələ marketinq strategiyası barədə düşünməmişik”.

İnvestorlar məhsulun bazara çıxış strategiyasını dəqiq görmək istəyir.

Harroch bildirir ki, startap təsisçiləri investor qarşısında realistik, məlumatlı və bazar dinamikasından xəbərdar olmalıdır. Kiçik görünən ifadələr belə böyük investisiya imkanlarını təhlükəyə sala bilər.

Sərvanə Rəmixanova