“ChatGPT”nin Azərbaycanda bazar payı açıqlandı

Azərbaycanda ötən ay bütün platformalar - kompüter, mobil cihazlar və planşetlər üzrə “ChatGPT”nin bazar payı 83,09% təşkil edib.

Valyuta.az xəbər verir ki, bu göstərici əvvəlki ayla müqayisədə 1,53 faiz bəndi azalma deməkdir. Bununla yanaşı, hesabat dövründə platformanın bazar payı ardıcıl üçüncü aydır azalır və son üç ay üzrə ümumi 12% nisbi azalma qeydə alınıb.

Məlumata əsasən, kompüterlərdə “ChatGPT” istifadəsi əvvəlki aya nisbətən 1,27 faiz bəndi azalaraq 83,27% təşkil edib. Mobil cihazlarda isə göstərici 2,99 faiz bəndi azalaraq 81,73%-ə düşüb.

Qeyd edək ki, planşetlər üzrə “ChatGPT”nin istifadəsində dəyişiklik qeydə alınmayıb.

Sərvanə Rəmixanova