"Apple" "iPhone 17e"ni təqdim etdi - Qiymət

"Apple" yeni məhsullarını təqdim edib.

Valyuta.az xəbər verir ki, şirkət daha münasib qiymətli "iPhone 17e" modelini və yenilənmiş "iPad Air" planşetini satışa çıxarıb.

"iPhone 17e" "iPhone 17" seriyasının büdcə versiyasıdır və 599 dollardan başlayır. Cihaz 6,1 düymlük ekran, A19 prosessoru, yeni C1X modem, MagSafe dəstəyi və 256 GB başlanğıc yaddaş ilə təqdim olunur. Həmçinin model ötən versiya ilə müqayisədə daha çox yaddaş və əlavə funksiyalar təklif edir.

Yeni "iPad" Air isə dizayn və qiyməti dəyişmədən M4 çipi ilə yenilənib. 11 düymlük model 599 dollardan, 13 düymlük versiya isə 799 dollardan başlayır. "Apple"ın məlumatına görə, yeni çip əvvəlki nəsildən daha sürətlidir.

"iPhone 17e" üçün ön sifarişlər 4 martda başlayacaq, satışlar isə 11 martdan etibarən həyata keçiriləcək.

Sərvanə Rəmixanova