Ən çox nağd vəsaitə malik şirkətlər açıqlanıb - SİYAHI

“TradingView” platformasının məlumatlarına əsasən hazırlanan qrafik dünyada ən böyük nağd vəsait ehtiyatına malik şirkətləri əks etdirir və hansı korporasiyaların ən iri maliyyə “ehtiyat sandığına” sahib olduğunu göstərir.

Valyuta.az xəbər verir ki, sözügedən göstərici şirkətlərin ən likvid aktivlərini - nağd vəsaiti və adətən bir il ərzində ödəniş müddəti başa çatan qısamüddətli qiymətli kağızları, o cümlədən ABŞ xəzinə veksellərini əhatə edir.

Reytinqə kimlər başçılıq edir?

Siyahıya 381,7 milyard dollar nağd vəsaitlə “Berkshire Hathaway” liderlik edir. Şirkətdən sonra Çin dövlətinin dəstəklədiyi maliyyə konqlomeratı “CITIC Limited” və Yaponiyanın iri broker şirkətlərindən biri olan “Daiwa Securities Group” qərarlaşıb.

“Alphabet”, “Amazon”, “Meta Platforms”, “Microsoft”, “Apple”, “Nvidia” və “Tesla”dan ibarət “Möhtəşəm yeddilik” ümumilikdə 597 milyard dollar nağd vəsaitə malikdir. Bu məbləğ “S&P 500” indeksinə daxil olan bir çox şirkətin alınması üçün kifayət edə bilər.

Böyük texnologiya şirkətləri ənənəvi olaraq yüksək gəlirlilik marjasına və miqyaslana bilən xərclər strukturuna malik olduqları üçün güclü pul axını formalaşdırır. Əlavə gəlirlər sürətlə nağd vəsaitə çevrilir.

İlk 10 şirkətin siyahısı

“Berkshire Hathaway” - 381,7 milyard dollar

“CITIC Limited” - 171,5 milyard dollar

“Daiwa Securities Group” - 131,4 milyard dollar

“Alphabet” - 126,8 milyard dollar

“Amazon” - 126,3 milyard dollar

“Taiwan Semiconductor Manufacturing” - 97,8 milyard dollar

“Interactive Brokers Group” - 93,4 milyard dollar

“Microsoft” - 89,5 milyard dollar

“Charles Schwab” - 88,9 milyard dollar

“Meta Platforms” - 82,4 milyard dollar

Mayya Hüseynova